Thursday 24th Mai 2007
Mae mesurau newydd i atal twyll yn golygu na all oedolion sy’n gwneud
cais am eu pasport cyntaf erioed adael pethau tan y funud olaf.
O 1 Mehefin ni fydd oedolion sy’n gwneud cais am eu pasport cyntaf yn cael defnyddio’r gwasanaeth cyflym un wythnos, wrth i’r Gwasanaeth Hunaniaeth a Phasportau (IPS) gyflwyno cyfweliadau wyneb-yn-wyneb fel rhan o’r broses o wneud cais am basport.
Meddai Bernard Herdan, Cyfarwyddwr Gweithredol IPS dros Ddarparu Gwasanaethau:
"Os ydych yn bwriadu teithio i wlad dramor yn yr haf eleni gofalwch fod eich pasport ar ben eich rhestr o ‘bethau i’w gwneud’ a gwnewch hynny nawr, cyn ichi drefnu eich gwyliau.
"Am fod dwyn hunaniaeth pobl ar gynnydd, mae datblygiadau newydd yn cael eu cyflwyno i fynd i’r afael â thwyll a ffugio pasportau. Bydd y cyfweliadau’n fyr ac y syml, ac maent yn ffordd hawdd ac effeithiol o amddiffyn hunaniaeth ein cwsmeriaid, gan ei gwneud yn anos o lawer i dwyllwr gael pasport."
Mae’r cyfweliadau’n cael eu cyflwyno ar gyfer cwsmeriaid 16 oed neu drosodd neu’n gwneud cais am eu pasport cyntaf. Maent yn cael eu cyflwyno ynghyd â mesurau eraill i atal twyll a ffugio pasportau, i amddiffyn cyhoedd y DU rhag dwyn hunaniaeth, ac i sicrhau bod y pasport Prydeinig yn parhau i fod un o’r rhai mwyaf diogel a mwyaf eu parch ledled y byd.
Mae’n rhaid i oedolion neu’n gwneud cais am eu pasport cyntaf ganiatáu wy o amser i wneud hynny: mae IPS yn argymell caniatáu chwe wythnos. Cynghorir cwsmeriaid yn daer i beidio â threfnu taith hyd nes derbyn eu pasportau.
Bydd y gwasanaeth cyflym un wythnos yn parhau i fod ar gael fel arfer i bob cwsmer arall am basport, megis rhai sy’n adnewyddu pasport.
I wybod rhagor am y cyfweliadau am basportau
