Wyneb newydd dogfennau teithio yn y DU - Gwasanaeth Pasbort y DU yn cyflwyno'r e-basbort cyntaf
Monday 5th March
Mae Gwasanaeth Pasbort y DU wedi sicrhau ei le fel un o’r rhai balenaff
yn y ras ryngwladol i atal twyll a ffugio pan ryddhaodd yr e-Basbort Prydeinig
biometrig cyntaf heddiw.
Bydd y pasbortau newydd yn wahanol eu diwyg ac yn cynnwys nodweddion diogelwch
newydd, gan gynnwys sglodyn gyda biometreg wyneb y deiliad. Fe’u cyflwynir
yn raddol trwy gydol 2006 ac feu rhyddheir i bob ymgeisydd erbyn diwedd mis
Awst.
Mae’r datblygiadau technolegol hyn yn cael eu mabwysiadu ledled y byd
e mwyn gwneud dogfennau teithio a mannau rheoli ffiniau yn fwy diogel, ac mae
dros 40 o wledydd yn y broses o gyflwyno e-Basbortau. Mae’n rhaid i wledydd
fel y DU, sy’n rhan o gynllun fisâ’r Unol Daleithiau, gydymffurfio â safonau
newydd y Corff Hedfan Sifil Rhyngwladol (ICAO) a dechrau rhyddhau pasbortau
biometrig sy’n cynnwys llun o’r wyneb er mwyn cael aros yn
y cynllun erbyn Hydref 2006.
Meddai Gweinidog y Swyddfa Gartref Andy Burnham:
" e-Basbortau yw’r cam cyntaf o ran cael dogfennau adnabod biometrig
diogel. Nid yn unig y byddant yn gwneud pasportau Prydeinig yn fwy cyson a
diogel, byddant hefyd o help i adnabod dogfennau a ffugiwyd neu a newidiwyd
tra’n cadarnhau pwy yw’r deiliad.
"Mae technoleg fiometrig yn defnyddio’r nodweddion unigryw sydd
gan bob un ohonom ac nid oes amheuaeth y bydd defnyddio gwybodaeth fiometrig
i gysylltu rhywun gyda phasbort yn gwella diogelwch. Yn unol â’n
partneriaid yn Ewrop byddwn hefyd yn ystyried cynnwys olion bysedd yn ogystal â data
am wynebau maes o law.
"Trwy’r byd, mae mwy a mwy o wledydd yn gweithredu er mwyn sicrhau
bod eu dogfennau teithio’n ddiogel. Mae dinasyddion Prydeinig yn haeddu
pasportau o’r ansawdd uchaf ac rydym yn gwneud pob ymdrech i sicrhau
bod y DU ar y blaen."
Mae’r DU yn cyflwyno biometreg yn ei phasbortau er mwyn:
helpu i atal twyll a ffugio pasportau;
sicrhau bod y pasbort Prydeinig yn parhau i fod yn un o´r rhai mwyaf
diogel ac uchel ei barch yn y byd;
bodloni safonau rhyngwladol a osodwyd gan y Corff Hedfan Sifil Rhyngwladol;
sicrhau bod dinasyddion Prydeinig yn cael parhau i fwynhau teithio heb
fisa i UDA; ac
osgoi anfantais i ddeiliaid pasportau Prydeinig wrth i wledydd eraill newid
i basbortau biometrig a mwy diogel.
Ar y tu allan, bydd y Pasbort Biometrig newydd i’w weld yn debyg iawn
i’r, un presennol, er y bydd â logo arno yn dweud bod sglodyn y
tu mewn. Y tu mewn, bydd y sglodyn i’w weld a bydd llawer o nodweddion
diogelwch newydd eraill gan gynnwys tudalennau sy’n cynnwys patrymau
cywrain a dyfrnodau newydd cymhleth.
Nodiadau i Olygyddion
Mae’r UKPS a’r Swyddfa Dramor a Chymanwlad (FCO) yn rhyddhau’r
pasbort digidol cyfredol er 1998. Er mwyn sicrhau newydd rhwydd o basbortau
digidol, cyflwynir y pasbort biometrig yn raddol dros gyfnod o bum mis yn 2006.
Yn ystod camau cyntaf y newid, bydd rhai pobl yn derbyn pasbort biometrig newydd,
ond bydd y rhan fwyaf o gwsmeriaid yn parhau i pasbort digidol. Bydd pasportau
sydd eisoes yn cael eu defnyddio yn parhau’n ddilys hyd eu dyddiad
terfyn ac ni fydd gofyn i ddeiliaid eu cyfnewid am basbortau biometrig.
Mae pasportau biometrig yn ei gwneud yn bosibl adnabod nodweddion biolegol
unigryw a phryd a gwedd rhywun. Mae enghreifftiau o ddulliau adnabod biometrig
yn cynnwys yr wyneb, olion bysedd a phatrwm lliw’r llygaid.
Mae dulliau adnabod wynebau yn mapio rhai o nodweddion yr wyneb, er
enghraifft, y pellterau rhwng y llygaid, y trwyn, y geg a’r clustiau. Bydd
y mesuriadau’n cael eu troi’n gôd digidol a’u cadw
ar sglodyn electronig ar y tudalen yn y pasbort. Gellir defnyddio hwn wedyn
i ddibenion cymharu a gwirio. Bydd UKPS yn cael tynnu biometreg wynebau ymgeiswyr
o’u lluniau pasbort.
Enwodd y Corff Hedfan Sifil Rhyngwladol (ICAO – sy’n pennu
safonau rhyngwladol) ddulliau adnabod wynebau fel y prif fiometreg gyda lliw’r
llygaid ac olion bysedd fel dulliau wrth gefn ond heb fod yn orfodol.
Bydd gan y pasbort biometrig newydd lawer o nodweddion diogelwch newydd
gan gynnwys sglodyn. Bydd y diwyg newydd yn anos ei ffugio, bydd y nodweddion
diogelwch newydd yn dangos a yw’r pasbort yn ddilys neu a oes ymyrryd
wedi bod a bydd biometreg yr wyneb ar y sglodyn o help i gysylltu deiliad y
pasbort â’r ddogfen.
Pris y pasbort safonol 10 mlynedd i oedolyn yw £51. Mae UKPS yn chwilio
o hyd am ffyrdd o wella diogelwch y telir amdanynt trwy’r ffi am basbort.
Bu UKPS a’r FCO, sy’n gyfrifol am ryddhau pasportau dramor,
wedi bod yn cydweithio’n agos ar ddatblygu eBasbortau sydd ar gael
eisoes gan Gonswladau Prydeinig Cyffredinol yn Washington a Cairo. Cwblheir
y broses o gyflwyno eBasbortau i fannau tramor erbyn Gorffennaf 2006.
Cyhoeddodd Senedd UDA ar 15 Mehefin 2005 estyniad o flwyddyn (hyd 26
Hydref 2006) i’r gofyn am basbortau biometrig. Golyga hyn y bydd y pasportau
digidol a ryddheir ar hyn o bryd gan UKPS a’r FCO (y gall peiriant eu
darllen, gyda llun digidol) barhau i fodloni holl feini prawf y Rhaglen Hepgor
Fisâu (Visa Waiver Programme neu VWP) ac na fydd angen i’r rhan
fwyaf o Ddinasyddion Prydeinig fod â fisa i UDA. Bydd yn rhaid i bob
pasbort a rhyddheir ar neu ar ôl 26 Hydref 2006 fod yn fiometrig er
mwyn cael ei ddefnyddio heb fisa i deithio i UDA. I wybod rhagor am reolau
fisa a mewnfudo UDA gweler www.usembassy.org.uk neu www.fco.gov.uk.
