Swyddfeydd pasportau rhanbarthol

Gwybodaeth gyffredinol

Mae gennym gyfanswm o saith swyddfa basportau un yn Llundain a chwech mewn rhannau eraill o’r wlad.

Nid oes angen ichi ddod i’r swyddfa oni bai fod eich cais yn gais brys hy fod angen ichi deithio o fewn llai na phythefnos. (Gweler Ceisiadau brys am wybodaeth fwy manwl.) Rydym yn eich cynghori i beidio â threfnu teithio o gwbl hyd nes byddwch wedi derbyn eich pasport newydd.

Gwnewch apwyntiad cyn ichi gyrraedd unrhyw un o’n swyddfeydd. I gael gwybod ble mae eich swyddfa agosaf ac i wneud apwyntiad, dylech ffonio’r Llinell Gyngor ar 0300 222 0000.

Os nad ydych yn teithio o fewn y pythefnos nesaf, defnyddiwch yr adran Gwneud cais am basport ar y wefan hon. Bydd yn esbonio sut i wneud cais am basport newydd neu sut i adnewyddu neu ddiwygio eich pasport presennol yn y ffordd arferol.

Noder:

mae’r galw am apwyntiadau ym mhob Rhanbarth IPS yn eithriadol o uchel ar hyn o bryd, a dylech gan hynny ganiatáu o leiaf bythefnos i gael dyddiad apwyntiad.
os gwnewch apwyntiad, gofalwch nad ydych yn cyrraedd fwy na 10 munud ymlaen llaw, os gwelwch yn dda. Ni chewch eich gweld dim cynt a bydd eich mynediad yn cael ei ohirio tan yr amser priodol. Bydd hyn yn sicrhau bod ein cownteri mor ddymunol â phosibl i’n holl ymwelwyr.
dylai cwsmeriaid fod yn ymwybodol y gall pobl sy’n galw heibio i’n cownteri gael eu sgrinio wrth iddynt gyrraedd, er mwyn sicrhau diogelwch ein staff a chwsmeriaid eraill. Gellir codi unrhyw eitem y credir y gallai fod yn beryglus i’w chadw’n ddiogel cyn caniatáu mynediad i’r adeilad.

Cliciwch ar y swyddfeydd isod am fap a manylion oriau agor.

Llinell Gyngor ar Basportau 24 awr: 0300 222 0000 (gweler telerau ac amodau). Calls are
charged at 8p per minute from a BT landline; live operators are available to assist with your enquiry 24 hours a day

Identity and Passport Service

Gwybodaeth gyffredinol

Swyddfeydd pasportau rhanbarthol